اسكندريه ( بالانجليزى: Alexandria ، يونانى: Ἀλεξάνδρεια ) هى مدينه مصريه على الساحل الجنوبى للبحر المتوسط و من العواصم القديمه لمصر. كانت عاصمة مصر قبل القاهره و مركز إشعاع ثقافى فى العصر البطلمى ، و دلوقتى تانى أكبر مدينه بعد العاصمه القاهرة و اكبر مدينة فى محافظة اسكندريه. عدد سكان إسكندرية 4،1 مليون نسمة و فيها اكبر مينا مصرى بيخدم حوالى 80 فى المية من كل واردات مصر وصادراتها. اسكندريه ليها مطارين دوليين " مطار النزهه " و " مطار برج العرب ". اسكندرية هى كمان مدينه سياحيه بتمتد لحوالى 32 كم (20 ميل) على طول ساحل البحر المتوسط فى شمال مصر. و فيها مكتبة الاسكندريه (مكتبة الاسكندريه الجديده).
اسكندريه مركز صناعى مهم علشان خطوط أنابيب البترول و الغاز الطبيعى من السويس لإسكندريه. اسكندريه ليها وظيفة مهمة للتجارة بين اوروبا واسيا، لانها استفادت من سهولة الربط بين البر والبحر المتوسط والبحر الاحمر.
اتأسست اسكندرية على قريه مصريه صغيرة اسمها راكوتيس عن طريق الملك الاسكندر الاكبر المقدونى اللى خلاها عاصمة مصر فى 331 قبل الميلاد. فضلت اسكندرية عاصمة مصر حوالى ألف سنه لحد 641 لما اتأسست الفسطاط. فى الازمنه القديمه، كانت اسكندريه مدينه من أشهر مدن العالم. اسكندريه كانت معروفة بفنارها (عجيبه من عجايب الدنيا السبعه)، مكتبة اسكندريه (اكبر مكتبه في العالم القديم) و سراديب الموتى (كتاكومبوس) من كوم الشقافة (واحده من سبع عجايب العصور الوسطى). و في 1994 ابتدا الكشف عن تفاصيل أكتر عن راكوتيس قبل وصول الاسكندر، و اسكندريه ايام عصر البطالمه.
مكتبة الاسكندريه
كوبرى استانلى
المنتزه
القلعه
الجندى المجهول
سان استفانو
المسرح اليونانى الرومانى
المرسى ابو العباس
تمثال السلسله
