عما

عما



دلوقتى ممكن العميان يستخدمو انواع معينه من الكلاب المتدربه عشان تساعدهم فى المشى.
العما (انجليزى: blindness)‏ دا مرض بيصيب الكائنات الحية وبتخليه مش عارف يشوف او يستخدم عينيه. وفيه انواع، عمي كامل ودا بيكون مش شايف حاجة خالص. وفيه عمي متوسط (بيتقال عليه ضغف نظر بدرجات مختلفه)وفيه الكائن الحي بيقدر يعرف إذا كان فيه نور ولا لا ويحدد اتجاهه بس. الاحصاءات اللى اتعملت سنة 2002 بينت انه فى انخفاض فى عدد المرضى اللى عندهم عما فى العالم كله و كمان فى انخفاض فى عدد اللى جالهم عما بسبب الامراض المعديه (زى التراكوما) و على العكس فى زياده فى عدد اللى بيجيلهم عما بسبب كبر السن و الامراض المرتبطه بيه (زى مرض السكر).

المحتويات

• 1 ارقام مهمه
  
• 2 اسباب العما او ضعف النظر
  
• 3 المقاومه و العلاج و التعايش مع العما
  
• 4 شوف كمان
  
• 5 لينكات
  

ارقام مهمه

1. فى سنة 2002، وصل عدد الناس اللى بتشتكى من مشاكل فى النظر ل 161 مليون انسان ; منهم 124 مليون عندهم ضعف فى النظر و 37 مليون عندهم عما كامل.
   
2. الناس اللى عندهم عما ممكن يتقسمو على حسب السن، الجنس و البلد لـ:
   
   
   
   1. على حسب السن: 82% من العميان عندهم خمسين سنه او اكتر مع ان المجموعه دى بتمثل 19% بس من عدد سكان العالم
      
   2. على حسب الجنس: كل الاحصاءات اللى اتعملت فى نماطق م ختلفه م العالم و فى مجموعات عمريه متعدده، بينت الاحصاءات دى ان الستات عندهم قابليه اكتر من الرجاله انه يجيلهم عما.
      
   3. على حسب البلد او المنطقه: توزيع العما على مناطق العالم مش متساوى و اعلى منطقه فى العالم فيها عميان هى حنوب شرق اسيا (27%)، غرب المحيط الباسيفيكى (26%)، افريقيا (17%)، شرق البحر المتوسط (10%)، الامريكتين (10%) و اوروبا (10%).
      
   
   
   

اسباب العما او ضعف النظر

• الكاتاراكت (المايه البيضا) هو اكتر مرض فى العالم ممكن يسبب العما او ضعف النظر و دا مرض مرتبط بالسن الكبير (47.8% من خالات العما بيسببها الكاتاراكت)
  
• الجلوكوما (المايه الزرقا) دا تانى اكتر مرض بيسبب العما و ضعف النظر (بيسبب 12.3% من اجمالى حالات العمل و ضعف النظر)
  
• التنكس البقعى المرتبط بالسن (age-related macular degeneration (AMD و دا مسئول عن 8.7% من حالات العمل
  
• التراكوما (الرمد الحبيبى)و دا مرض معدى بتسببه باكتيريا اسمها كلاميديا تراكوماتيس (Chlamydia trachomatis)و بيسبب 3.6% من حالات العما و خصوصا فى البلاد الفقيره و اللى فيها الرعايه الصحيه مش قد كدا.
  
• فى مجموعه كبيره تانيه م الامراض اللى ممكن تسبب العما او ضعف النظر زى مرض السكر و خصوصا التهاب عصب العين اللى بيحصل بسبب عدم تظبيط مستوى الجلوكوز فى الدم. و زى كمان نقص فيتامين A
  

المقاومه و العلاج و التعايش مع العما

• زياده الرعايه الصحيه و الوعى الطبى فى اوروبا الغربيه و امريكا الشماليه كان ليه دور كبير فى التقليل من عدد العميان عن طريق الوقايه من الامراض اللى ممكن تسبب المرض دا.
  

فى كلاب متدربه دلوقتى ممكن يستعملها العميان عشان يتمشو فى الشوارع و الجناين و يعيشو حياه شيه طبيعيه و كمان فى كتب مكتوبه بطريقه برايل بتمكنهم من القرايه بسهوله. معظم الكومبيوترات الحديثه و الموبايلات دلوقتى بيبقا فيها برنامج بيخليهم يستجيبو للاوامر الصوتيه بتاعة المستخدم.