نيوروز
نيوروز او عصاب (بالانجليزى:Neurosis) هو مجموعه من الامراض السيكولوجيه او اضطرابات عصبيه وظيفيه بتأدى لعدم قدرة العيانين بيها على التكيف بدرجه ما فى ناحيه من نواحى الحياه. من الامراض دى الهيستيريا و المخاوف المرضيه و الوسواس القهرى و القلق. بتنشأ الامراض دى من الصراع اللاشعورى بين الدوافع المتعارضه و بالذات فى فترة الطفوله. العيان بالنيوروز ( النيوروزى او العصابى ) بيبقى محتفظ باستبصاره على عكس العيان بالسيكوز ( السيكوزى او الذهانى ). الامراض العصابيه بيعالجها الدكتور النفسانى او دكتور الامراض العقليه.
النيوروز عيا نفسى بتتصاب بيه ناس كتيره. الانسان العادى بيغضب بيحزن و بيخاف و بيصيبه الهم ممكن بدرجه كبيره و ده شىء عادى ، لكن اذا المشاعر دى اتملكت الانسان و بقى بيجتر العاطفه و مش عارف يخلص منها ازاى و مش عارف سبب خوفه او غضبه بطريقه تخليه مش قادر مثلاً يشتغل فى الحاله دى بيبقى عيان بالنيوروز.
الشخص النيوروزى شخص عادى لكن عاطفته متملكاه بطريقه وحشه و بيبقى عارف انه عيان و مجهد نفسياً لكن دريان بنفسه و بالمجتمع اللى حواليه بس كل مشكلته انه مش عارف ازاى يخلص من العواطف دى. و ده على عكس العيان بالسيكوز و هو اللى بتسميه الناس بـ " الجنون ". السيكوزى عادة قبل ما يوصل للحاله دى كان بيعانى من النيوروز لكن خياله خلق له عالم و حاجات مش حقيقيه و مش موجوه و بكده حل مشكلته لكن للأسف بحل جنونى. النيوروزى بيحتفظ بوجدانه يعنى تعقله لكن السيكوزى عقله اتملى بخيالات فصلته عن المجتمع اللى حواليه و ضاع منه الوجدان ، يعنى مابقاش دريان بنفسه.
المساعده النفسيه و التحليل النفسى ممكن يساعدوا النيوروزى لكن صعب معالجة السيكوزى بالطرق دى ، و ده لإن الأولانى مدرك و عارف هو بيعمل ايه و بكده يقدر يحكى تفاصيل معاناته للدكتور النفسانى اللى بيعالجه بعكس السيكوزى اللى مش مدرك.
نيوروز او عصاب (بالانجليزى:Neurosis) هو مجموعه من الامراض السيكولوجيه او اضطرابات عصبيه وظيفيه بتأدى لعدم قدرة العيانين بيها على التكيف بدرجه ما فى ناحيه من نواحى الحياه. من الامراض دى الهيستيريا و المخاوف المرضيه و الوسواس القهرى و القلق. بتنشأ الامراض دى من الصراع اللاشعورى بين الدوافع المتعارضه و بالذات فى فترة الطفوله. العيان بالنيوروز ( النيوروزى او العصابى ) بيبقى محتفظ باستبصاره على عكس العيان بالسيكوز ( السيكوزى او الذهانى ). الامراض العصابيه بيعالجها الدكتور النفسانى او دكتور الامراض العقليه.
النيوروز عيا نفسى بتتصاب بيه ناس كتيره. الانسان العادى بيغضب بيحزن و بيخاف و بيصيبه الهم ممكن بدرجه كبيره و ده شىء عادى ، لكن اذا المشاعر دى اتملكت الانسان و بقى بيجتر العاطفه و مش عارف يخلص منها ازاى و مش عارف سبب خوفه او غضبه بطريقه تخليه مش قادر مثلاً يشتغل فى الحاله دى بيبقى عيان بالنيوروز.
الشخص النيوروزى شخص عادى لكن عاطفته متملكاه بطريقه وحشه و بيبقى عارف انه عيان و مجهد نفسياً لكن دريان بنفسه و بالمجتمع اللى حواليه بس كل مشكلته انه مش عارف ازاى يخلص من العواطف دى. و ده على عكس العيان بالسيكوز و هو اللى بتسميه الناس بـ " الجنون ". السيكوزى عادة قبل ما يوصل للحاله دى كان بيعانى من النيوروز لكن خياله خلق له عالم و حاجات مش حقيقيه و مش موجوه و بكده حل مشكلته لكن للأسف بحل جنونى. النيوروزى بيحتفظ بوجدانه يعنى تعقله لكن السيكوزى عقله اتملى بخيالات فصلته عن المجتمع اللى حواليه و ضاع منه الوجدان ، يعنى مابقاش دريان بنفسه.
المساعده النفسيه و التحليل النفسى ممكن يساعدوا النيوروزى لكن صعب معالجة السيكوزى بالطرق دى ، و ده لإن الأولانى مدرك و عارف هو بيعمل ايه و بكده يقدر يحكى تفاصيل معاناته للدكتور النفسانى اللى بيعالجه بعكس السيكوزى اللى مش مدرك.