لا تتعجب انها قلوب البشر

قعدت فكرت شويه وسرحت شويتين
لقيت نفسى اتعلمت حاجات كتير بس فى شهرين
عشان بجد كنت عاوزه اغير حاجات فيا
واتعلم حاجات واكسر بقى الروتين ده شويه
لقيت نفسى فعلا اتعلمت حاجات كتير
وبقيت بفكر احسن
وبقيت اقوى واشطر
بس برضه فيا شويه حاجات
مش عاوزه تتغير
... بس الحمد لله فى تطور
فكرت كمان ازاى كنت معنديش امل فى اى حاجه
ولما فكرت وقررت غيرت فى نفسى مليون حاجه
وده عشان انا كنت عاوزه اتغير للاحسن
مفضلتش واقفه فى مكانى وقلت كده احسن
طبعا بيعدى عليا لحظات احباط زى كل الناس


بس لازم اقوم من تانى ومعملش زى ناس
اول ما تقع مره تقول كده خلاص
مش حقدر اقف من تانى ما انا خلصت خلاص
لازم نقف من تانى وربنا يبقى معانا
ما هو النجاح يستاهل اننا نتعب الفشل ويانا
فرحتك لحظه نجاحك تسوى الدنيا وما فيها
جربها صدقنى وابقى ادعيلى يوميها